50 Joer Zolwer Jugendmusek

Den 10. November 1974 ass d’ Zolwer Jugendmusek vun e puer passionéierte Musikante gegrënnt gi fir de Nowuess an der Musek ze fërderen an deene Jonke Freed un der Musek ze vermëttelen. En halleft Joerhonnert voller Musek, Gemeinschaft an onvergiessleche Momenter – dat wëlle mir de 15. Juni 2025 mat engem spezielle Concert um 16 Auer am Artikuss zu Zolwer zesumme mat iech feieren.

Bei dëser Geleeënheet wëlle mir net nëmmen zeréckkucken, mee och zesumme Musek maachen. Mir invitéieren dofir all fréier Membere matzemaachen an um Concert matzespillen. Wann s du interesséiert bass de Concert matzespillen, awer keen eegent Instrument méi hues, da stellt Zolwer Musek dir gären en Instrument zur Verfügung. Alles wat s du fir dee Concert brauchs ass deng Freed un der Musek, e puer Besich an de Prouwen an d’Opreegung fir Deel vun dëser Feier ze sinn. Nom Concert ass och nach ee conviviale Moment virgesinn. Hal der dofir deen Owend nom Concert fräi. Detailer kommen zu engem spéideren Zäitpunkt no.

Wann s du en aktiven Deel vun dësem Concert wëlls sinn, da mell dech wgl. bis spéitstens den 28. Februar 2025 iwwert de Formulaire hei drënner un. De Proufplang gesäis du méi wäit ënnen.

Mir freeën eis dech erëmzegesinn an zesummen ee musikaleschen Highlight mat ville flotten Erënnerungen op d’Bün ze bréngen.

Umeldeformular

Prouweplang

Organisatiounscomité